Përshkrim
Përshkrim i produktit
Arrat përmbajnë sasi të konsiderueshme të acideve yndyrore omega-3. Ato janë të pasura me fibra, vitamina B, magnez dhe antioksidantë si vitaminë E. Studiuesit janë më të bindur se kurrë për përfitimet dhe vlerat ushqyese që kanë arrat. Rreth 90% e fenoleve gjenden tek cipa e saj.
– Të pasura me antioksidantë
Përveç Omega 3, arrat janë gjithashtu të pasura me antioksidantë të cilat ndihmojnë për të parandaluar dhe riparuar dëmtimet e trurit për shkak të radikalëve. Arrat me të vërtetë janë një burim i shkëlqyer ushqimi për të rritur aftësinë tuaj, qartësuar mendjen dhe për të dhënë më të mirën nga truri. Zbulimet tregojnë se arrat mund të ulin rrezikun e të pasurit një sulm në zemër apo sëmundje tjera në zemër si dhe të mbrojnë kundër sëmundjeve tjera të mundshme të natyrës kardiovaskulare.
– Një burim i shkëlqyeshëm bimor i Omega 3
Yndyrnat Omega 3 nga arrat quhen acide alfa-linolenike. Ato janë yndyrna thelbësore që ndihmojnë në uljen e rrezikut të sëmundjeve të zemrës.
– Мund të zvogëlojnë inflamacionin
Inflamacionet janë baza e shumë sëmundjeve, duke përfshirë sëmundjet e zemrës, diabetin tip 2, Alzheimerin dhe kancerin, dhe mund të shkaktohet nga stresi oksidativ. Yndyrnat alfa-linolenike omega-3, magnezi dhe aminoacidi arginina në arra mund të zvogëlojnë inflamacionin.
– Ruani shëndetin e zorrëve
Konsumimi i arrave jo vetëm që ju ushqen juve por edhe bakteret e dobishme që jetojnë në zorrë.
Kjo ruan shëndetin e zorrës tuaj dhe ndihmon në uljen e rrezikut të sëmundjes.
– Zvogëlojnë rrezikun e disa llojeve të kancerit
Polifenolët në arra mund të zvogëlojnë rrezikun e kancerit të caktuar, duke përfshirë kancerin e gjirit, kancerin e prostatës dhe kancerin e zorrës së trashë.
– Ndihmojnë në trajtimin e diabetit të tipit 2 dhe zvogëlon rrezikun
Ngrënia e arrave mund të ndihmojë në kontrollin e diabetit të tipit 2 dhe të zvogëlojë rrezikun e shfaqjes së sëmundjes, sepse arrat ndihmojnë në kontrollin e peshës suaj. Arrat gjithashtu kanë kontroll të drejtpërdrejtë të sheqerit në gjak.
– Ndihmojnë në uljen e presionit të gjakut
Presioni i lartë i gjakut është faktori më i madh i rrezikut për sëmundje të zemrës dhe goditje në tru.
– Ndihmojnë për plakjen e shëndetshme
Ndërsa plakeni, funksioni i mirë fizik është thelbësor për të ruajtur lëvizjen dhe pavarësinë tuaj.
Një gjë që mund të ndihmojë në ruajtjen e aftësisë fizike është një dietë e shëndetshme. Një dietë e shëndetshme që përfshin arra ndihmon në mirëmbajtjen e funksionit fizik, siç janë ecja dhe aftësia për t’u kujdesur për veten ndërsa plakeni.
– Mbajnë funksionin e mirë të trurit
Mund të jetë rastësi që lëvozhgat e arrës duken si një tru miniaturë, por hulumtimet tregojnë se arrët janë të mirë për trurin tuaj. Arrat përmbajnë lëndë ushqyese që ndihmojnë në mbrojtjen e trurit tuaj nga inflamacioni i dëmshëm dhe ruajnë funksionin e trurit kur plakeni.
– Mban shëndetin e sistemit riprodhues mashkullor
Konsumi i rregullt i arrave mund të ndihmojë në kundërvënien e efekteve të dëmshme të mundshme të dietës së dobët në shëndetin e spermës.
– Përmirësojnë yndyrnat në gjak
Shëndetin e enëve të gjakut: Acidet yndyrore Omega-3 parandalojnë çrregullimin e ritmit të të rrahurave të zemrës, reduktojnë mpiksjet e gjakut, dhe kanë shumë impakt në enët e gjakut. Aminoacidi kryesor arginina ndihmon në elasticitetin e enëve të gjakut, duke reduktuar rrezikun për sëmundje zemre.
Kush duhet ta përdorë?
• të gjithë ata që duan ekuilibër të organizmit
• veganë dhe vegjetarianë
• sportistë dhe njerëzit aktivë
Përmbajtja
100% arra
Si dhe pse janë të mirë?
Rezultatet e jashtëzakonshme të arrave nuk përfundojnë këtu.
Dihet se kanë përfitime të shumta, duke përfshirë:
Pastrojnë stomakun dhe zorrët nga toksinat.
Heqin depozitat e yndyrës.
Zvogëlojnë nevojën për të ngrënë shpesh dhe në sasi të mëdha.
Ulja e dhimbjes artritikeZvogëlojnë celulitin dhe tonifikojnë lëkurën tuaj (duke zvogëluar tepricën depozitat e dhjamit).
Ulin kolesterolin dhe trigliceridet, duke ndihmuar në zvogëlimin presion të lartë të gjakut.
Tonifikojnë muskujt (duke zvogëluar dhjamin e tepërt)
Arrat përmbajnë lëndë ushqyese që ndihmojnë në mbrojtjen e trurit nga inflamacioni i dëmshëm dhe sigurojnë funksion të mirë të trurit në plakje. Në të ardhmen ndoshta do të dëgjojmë më shumë për arrat sepse ka gjithnjë e më shumë studime që eksplorojnë përfitimet e tyre shëndetësore.
Përdorimi
Hani arra të papërpunuara ose:
Në sallata jeshile ose frutash;
Në sallcë;
Të prerëra dhe të përdorura në bukë integrale dhe simite;
Të përdorura me peshk ose me mish pule;
Të skuqura në recetën tuaj të preferuar
Të pjekura, të prera dhe të përziera me makarona ose perime;
Si vaji në salcën e uthullës;
Ose kërkoni në Internet për ide shtesë me receta të shijshme.
Kujdes! Arrat mund të jenë alergjike dhe të reagojnë në disa substanca ushqimore tek njerëzit.
