Овесната каша е еден од најздравите оброци кои постојат. Тоа е нискокалоричен, а истовремено многу хранлив оброк, кој не може да ви здодее затоа што постојат безброј варијанти во кои може да се приготви. Ако ви недостасуваат идеи, потопете го овесот во млеко или јогурт, а потоа применете некоја од овие кои ние ви ги предлагаме.
Две мали или едно големо јаболко и мала лажица цимет
Две лажици путер од кикирики со една голема или две помали банани
Неколку јагоди, една рака исечкани бадеми и малку цимет
Капини, малини, боровинки или некое слично овошје, сок од половина лимон и неколку ливчиња нане
Ситно исечкани парчиња ананас и неколку ливчиња нане
Две лажици путер од кикирики и неколку зрна грозје
Две лажици какао, мали парчиња чоколадо со најмалку 70% какао, една банана и малку ванила
Една рака јаткасти плодови, една рака сушено овошје, една лажица какао
Ситно исечкани парчиња ананас и две лажици кокос
Неколку кајсии, една рака јаткасти плодови, лажица мед и малку цимет
Во приготвувањето на овесната каша можете да употребите какво било свежо овошје, сушено овошје, какви било јаткасти плодови и да додадете семки по ваш избор. Сè што ќе ви падне на ум можете да го претворите во овој здрав и вкусен оброк.