Брз и лесен рецепт за кој е потребно половина час, но претходно леќата да кисне некои 6-7 часа. Количински ви е потребно околу 200 грама сирова леќа.
Еве ги состојките за тестото:
- oколу 200 g кисната црвена леќа Витана
- 1 главица кромид
- малку магдонос
- малку лукче
- 1 јајце
- 1 лажичка сол
- 2 лажици маслиново масло
- на крај за подесување на густината 2-3 лажици овесни снегулки.
Фил: доматно пире, рендана тиквица и морков, малку кашкавал и оригано.
Начин на подготовка:
Леќата е добро да ја оставите да се кисне минимум 6-7 часа, но можете и повеќе (пример преку ноќ).
Сите состојки за тестото ставете ги во бледнер и бледнирајте додека да добиете хомогена смеса. Смесата е густа налик на таа за фалафел но кога се пече добро се сврзува.
Во кружно плехче со средна големина се става хартија и се разлива целата смеса. Се пече во загреана рерна на 160-180˚С 6-7 минути. Потоа се вади од рерна и се става одозора доматен сос, рендани моркови и тиквица, малку кашкавал и оригано и се враќа назад на печење.
Се пече уште 10-тина минути на иста температура.
Значи фантазија!!!